يـعـنـــــــي إ يــــــــــــه بــــنـــــــت ؟؟؟




عشان نعرف امتى البنت تكون بنت ويعنى ايه بنت ونعرف ان البنات دول احلى مخلوق خلقه ربنا بجد ..


يعنى مثلا تشوف بنت تقول الله البنت دى امووورة اوى وممكن اول ما تشوف واحدة تانيه تقول

البنت دى مش حلوة.


الحقيقة :ان مفيش بنت وحشه بس فيه بنات هى اللى بتوحش نفسها..



اى بنت مهما كانت لازم هتلاقى فيها حاجة حلوة لان المرأة رمز الجمال بس ياترى اى جمال ده هل الشكل بصراحه لا لان فى حجات كتير غير الشكل تفكيرها عصبيتها طبعها غيرتها حلاوتها جنانها وغيره وغيره تعالو نشوف اهم حاجات لو لاقيتها فى البنت يبقى فعلا اللى قدامك دى بنت





......... الجمال ...........



الجمال هنا نقصد بيه فعلا الشكل محدش يقدر ينكر ان جمال المراه يعتبر اهم حاجه فيها بس طبعا لوحده مش كفايه .طيب ولو فيه بنت مش جميله هل دى تعتبر مش بنت اكيد لا بس المفروض هى تعوض ده بالمميزات التانيه اللى فى البنت الصح اللى بيتمناها اى راجل وساعتها هتكون البنت اللى مش جميلة دى فى نظر زوجها او حبيبها احلى بنت فى الدنيا .



...... الروح ..........



اى بنت بتلاقى فيها رووح معينة روح متتشفش بس تتحس. روح تديك احساس بالفرحة او الغيظ او الفضول او بالا ستغراب او بالانبهاار احيانا.المهم انك بتحس فى الاخر انها رووح جميلة روح وهبها ربنا لاى بنت





.............الغيرة ..........



مفيش بنت مش بتغير ..... بتغير عليك من اصحابك من صحبتاها وكمان تغير عليك من نفسك

وفى وسط الغيرة والعصبية دى بتشوف نوع تانى من الجمال جمال البنت فى غيرتها بتشوف فى عنيها نظرة الطفل الغيران من اخوه الصغير وساعتها بتشوف براءه ومسكنه ورقه ملهاش حل بجد





........ الخجل ...........





اى مجاملة مهما كانت غريبة هتصدقها البنت ولما تصدقها هتشووف اجمل خدود حمرا فى الدنيا لاى بنت خجولة .هتشووف خجل وانكسار يحسسك بالجوهرة اللى قدامك ومطلوب منك انت تحافظ عليها وهتبقى مستمتع وانت بتموووت علشان تحافظ عليها والخجل من

اجمل الهبات اللى وهبها ربنا للبنت





......... الحنان ..........



اى بنت جواها بركااااااان حنان وفيضاااااااان طيبه .ممكن هى نفسها متحاولش تظهر دة بس بيبان ...... احساس الامومة موجود عند اى بنت ناحية اى حد

ناحية حبيبها او جوزها او اخوها او باباها او اى طفل بتشوفه ..مفيش احلى من انك تشووف نظرة الخوف والقلق عليك فى عنيها بجد دى احلى حاجه فى الدنيا لان بالررغم قوتك وصرامتك كراجل بتحس انك طفلها





.......... الجنااااان ............



مفيش بنت مش مجنونة الجنان خط متوازى مع البنات .ياريت على قد الجنان وبس ده بتينجان

.طالما بنت تبقى مجنونة على طووول بس جناان زى العسل ممكن يضايقك بس فى نفس الوقت بيسعدك..جنان ممكن يوديك فى داهية وفى نفس الوقت يخليك تضحك عليه من جواك .جنااان تبقى عايز تحدفها من اقرب بلكوونة وفى نفس الوقت بتبقى عايز تخبيها من اى حاجة ممكن تضرها....



.............

اكيد دلوقتى كلنا عرفنا يعنى ايه بنت ومش شرط البنت تكون بنت بالصوت العالى والدلع اللى زايد عن حده واللبس الضيق او القصير او بجمالها سواء كان طبيعى او صناعى .البنت تبقى بنت لو تمسكت بالحاجات دى لان اى راجل بجد يهمه الحاجات دى قبل الجمال ولو معاهم جمال يبقى فعلا ست ما شاء الله واكيد يابخته اللى هيلاقى كل ده فى ست وحده ... فياريت كل بنت تفكر مع نفسها انا فيا ايه من الحاجات دى هل انا اصلح فعلا اكون بنت ولا بحاول اكون بنت ولا انا فعلا استاهل اكون بنت .