ازاي تتصرف لو حد جالك الصيدليه عنده جرح ملوث نتيجة مسمار مصدي او عضة فار او قطة او حمار ؟؟
( كل ما يهمك معرفته كصيدلي عن حقنه التيتانوس) 

اولا انا في الاول هتعامل مع الجرح على انه جرح عادي فهنطهره كويس بأي مطهر ونحط مرهم مضاد حيوي ونوصف مضاد حيوي كويس مع مسكن وخافض حرارة
ثانيا ودة الاهم هشوف بقى هل المصاب دة محتاج حقنه التيتانوس ولا لا .. ومن هنا هيبتدي موضوعنا وهو الكلام عن الحقنة دي

*اولا امتى ابعت المصاب دة للمستشفى ياخد حقنه التيتانوس؟؟
-لو كان المصاب دة طفل صغير عمره اقل من 9 سنين مش هبعته ياخد الحقنه لان حاليا بقى كل المواليد الجداد بيطعموا ضد التيتانوس في التطعيم الثلاثي DPT vaccine اللي هو diphtheria,tetanus & pertussis vaccine ودة المفروض بيدي وقاية لمدة 10 سنين والمفروض انه لما يوصل سنه 9 سنين بياخد حاجة اسمها boosting dose علشان توفر الحماية تاني بس طبعا دة مبيحصلش هنا ...بالتالي لو المصاب كان سنة من 9 سنين فيما فوق ومخادش البوستينج دووز لازم يتبعت المسشتفى علشان ياخد حقنه التيتانوس

*طيب هو اية اللي بيحصل بالظبط لما الانسان بيتجرح من حاجة مصديه زي المسمار او اي عضة حيوان ؟
-اللي بيحصل ان ال spores بتاعت البكتيريا clostridium tetani المنتشرة في كل مكان وخصوصا في المناظق الزراعية والحديد المصدي بتدخل الجسم عن طريق الجرح الملوث دة وتبتدي تتحول ل anaerobic bacteria اللي بتتكاثر جامد وتبتدي تروح للدم فالجهاز المناعي يتعرف عليها ويبتدي يهاجمها فيموتها ويخرج من جسمها neurotoxins خطيرة جدا تسمي tetanospasmin اللي بيروح على الجهاز العصبي وهو دة اساس المشاكل كلها واللي بيسبب تشنجات في كل عضلات الجسم بما فيهم عضله القلب والتنفس وكمان عضله الفك فيسبب lock jaw وفي النهاية بتحصل الوفاة

* طيب هي حقنه التيتانوس دي عبارة عن اية ؟
-حقنه التيتانوس دي عبارة عن serum antitetanus دي عبارة عن antibodies جاهزة ضد ال neurotoxins اللي بطلعها البكتيريا بحصل عليها من اي حيوان زي حصان مثلا بحقنه بال neurotoxins ولما جسمه يكون ال antibodies أفصلها ولما احقنها في جسم الشخص المصاب هتروج على ال neurotoxins وتقضي عليها بس طبعا ال antibodies دي جاية من جسم غريب عن جسم الانسان فالجهاز المناعي ممكن يكون immune response ضدها وعلشان كدة قبل حقنه التيتانوس بنحتاج نعمل اختبار حساسية ودي تعتبر passive immunization
- اوقات بيدوا حاجة تسمى toxoid ودة عبارة عن جزء من ال neurotoxin او ال neurotoxin نفسه بس متكسر فالجسم يعرف يعرف يكون ضده antibodies بالتالي لما يتكون ال neurotoxins من البتكيريا السليمة اللي دخلت الجسم يقدر الجسم يقضي عليها ودة مش بيكون طويل المفعول زي ال DPT vaccine ودة يعتبر active immunization

*في معلومة بتقول ان لازم تدي حقنه التيتانوس في خلاص 6 ساعات من الاصابه علشان مش هتكون لسة ال neurotoxins اتكونت بس الاصح ان ممكن الحقنه تتاخد في خلال 24 ساعة لو كان لسة التشنجات محصلتش

*طيب سؤال مهم هو ازاي بيتعمل اختبار الحساسية لحقنه التيتانوس ..مع العلم الاختبار دة لازم لازم يتعمل في مستشفى مش في الصيدليه دة مش دورنا اصلا ؟؟
-بسرنجة انسولين هنسحب 0.1ml من امبول ال serum antitetnus ونحقنه intradermal في مكان واضح من الجلد ونعلمه بقلم وننتظر من ربع لنص ساعة وباقي الامبول هسحبه في سرنجة 5 سم ونحطه في التلاجة
- بعد النص ساعة لو مظهرش اي احمرار او حكه مكان الحقن يبقى مفيش حساسية وممكن نعطيه الحقنه عادي
-لو حصلت الحساسية يبقى مش ينفع ياخد الحقنه :( بس اكيد مش هنسيه يموت يعني :) لا هنديله مضاد حيوي قوي وليكن حاجة من ال 2nd generation cephalosporins مع اي حاجة metronidazole علشان تشتغل على ال anaerobic bacteria لمدة 8 ايام من بداية الاصابه اللي هي فترة ال incubation peroid
-حاجة مهمة لو المريض اصلا بياخد كورتيزون او حاجة مضادة للحساسية وجيت اعمل احتبار الحساسية احتمال يطلع false negative ونديله الحقنه وندخل في anaphlyctic shock :( علشان كدة لازم نسال المريض اذا كان بياخد اي دوا قبل ما نعمل اختبار الحساسية

*طيب نفترض ان المصاب اتجرح وطنش الجرح وفجأة حصلتله التشنجات وحصله ال lock jaw دة ازاي بيتصرفوا معاه ؟
- بنديله جرعة ال serum antitetnus بعد اختبار الحساسية مش ال toxoid طبعا علشان هو خلاص اتكون ال neurotoxins + امبول فلاجيل مع حاجات مهدئه زي امبول diazepam مع Mg sulphate ولو محصلش تحسن هكرر جرعة السيرم مرة تانيه لان دة معناه ان ال neurotoxins عالي جدا في الدم

*معلومة اخيرة انهم بقوا يدوا الحامل جرعة من الtoxoid او DPT vaccine
علشان تحمي نفسها والبيبي من العدوة بال clostridium اثناء الولادة لاي حال من الاحوال وطبعا لا يفضل ال serum antitetnus في الحاله دي لان ممكن الام ميكونش عندها حساسية منه بس البيبي عنده